बगॅसचा किंवा गहू - तुरींच्या भुश्याचा १० ते २० से.मी. जाडीचा थर करावा. त्यावर तयार झालेले मिश्रण शिंपडावे. त्याचवेळी २५ ग्रॅम 'अ' जीवनसत्व व १ किलो खनिज मिश्रण मधून - मधून शिंपडावे. सर्व मिश्रण फावड्याने एकजीव करत रहावे. शक्यतो युरियाचे प्रमाण कमीत कमी असावे. त्यासाठी युरियाची टक्केवारी वजन करूनच ठरवावी. असे खाद्य तीन दिवस अर्धा किलो, नंतर तीन दिवस १ किलो व नंतर तीन दिवस २ किलो प्रतिदिन याप्रमाणे द्यावे. सुरुवातीला काही जनावरे हे खाद्य खात नाहीत; मात्र सवयीनंतर खातात. खाद्य रुचकर होण्यासाठी एखाद्या धान्याचा भरडा किंवा पेंडही मिसळता येते. हे खाद्य दुभत्या जनावरांना हिरव्या चार्याच्या अधिक प्रमाणाबरोबर थोडक्यात द्यावे. एक वर्षाच्या आतील वासरांना हे खाद्य देऊ नये. एकदा तयार केलेले खाद्य शक्यतो त्याच दिवशी दिले जाणे अपेक्षित आहे.
